วันพุธที่ 31 มกราคม พ.ศ. 2561

ກຽມຊົມດວງຈັນສີເລືອດ ຄັ້ງທຳອິດໃນຮອບ 152 ປີ”ຊູເປີບຣູບຣັດມູນ” 31 ມັງກອນນີ້

Khonbannaมกราคม 31, 2561ດວງຈັນສີເລືອດ, ດວງເດືອນ, ປະກົດການທຳມະຊາດNo comments

ກຽມຊົມດວງຈັນສີເລືອດ ຄັ້ງທຳອິດໃນຮອບ 152 ປີ”ຊູເປີບຣູບຣັດມູນ” 31 ມັງກອນ ຄືນນີ້

ປະກົດການຈັນທະຄາດເຕັມດວງ ຫຼື ກົບກິນເດືອນ ທີ່ຈະເກີດໃນວັນທີ 31 ມັງກອນ 2018 ນີ້ ຂ້ອນຂ້າງພິເສດກວ່າຄັ້ງອື່ນໆ ເນື່ອງຈາກເປັນປະກົດການຈັນທະຄາດທີ່ເກີດໃນຊ່ວງດວງຈັນໂຄຈອນຢູ່ໃກ້ໂລກ. ຊ່ວງເຄິ່ງກາງຄາດເຕັມດວງ ມີໄລຍະຫ່າງຈາກໂລກພຽງ 360,191 ກິໂລແມັດ ເຊິ່ງໃກ້ກວ່າໄລຍະຫ່າງສະເລ່ຍລະຫວ່າງໂລກເຖິງດວງຈັນ (ປະມານ 384,400 ກິໂລແມັດ) ເຮັດໃຫ້ເບິ່ງເຫັນດວງຈັນເຕັມດວງສີແດງອົມສົ້ມມີຂະໜາດປະກົດໃຫຍ່ກວ່າປົກກະຕິເລັກນ້ອຍ.

ນອກຈາກນີ້ ຍັງກົງກັບຄືນເດືອນເພັງຄັ້ງທີ 2 ຂອງເດືອນ ຫຼື ທີ່ນິຍົມເອີ້ນກັນວ່າ ‘ບຼູມູນ’ (Blue Moon) ເຊິ່ງປົກກະຕິດວງຈັນເຕັມດວງຈະເກີດຂຶ້ນເດືອນລະ 1 ຄັ້ງເທົ່ານັ້ນ ໂດຍເດືອນໃດທີ່ມີດວງຈັນເຕັມດວງ 2 ຄັ້ງ ຈະຮຽກດວງຈັນເຕັມດວງເທື່ອທີ່ສອງວ່າ ‘ບຼູມູນ’ ເຊິ່ງເກີດຂຶ້ນບໍ່ຫຼາຍເທື່ອປານໃດ ແລະ ເປັນທີ່ມາຂອງສຳນວນພາສາອັງກິດທີ່ວ່າ ‘Once in a blue moon’ ໝາຍເຖິງ ດົນໆຈະເກີດຂຶ້ນຈັກເທື່ອ ແລະ ດວງຈັນບໍ່ໄດ້ເປັນສີທະເລແຕ່ຢ່າງໃດ.

ປະກົດການນີ້ ນັກດາລາສາດສະໝັກຫຼິ້ນ ນິຍົມເອີ້ນວ່າ ‘ຊູເປີບຼູບຼັດມູນ’ (Super blue blood moon) ເປັນຈັນທະຄາດເຕັມດວງຊ່ວງທີ່ດວງຈັນໂຄຈອນໃກ້ໂລກ ແລະ ກົງເດືອນເພັງຄັ້ງທີ່ສອງຂອງເດືອນ.
ທັງນີ້ ປະກົດການຈັນທະຄາດເຕັມດວງ ວັນທີ 31 ມັງກອນ 2018 ໃນປະເທດລາວສາມາດເບິ່ງເຫັນໄດ້ດ້ວຍຕາເປົ່າ ທຸກພື້ນທີ່ທົ່ວປະເທດ ຕັ້ງແຕ່ຊ່ວງຫົວຄ່ຳທາງທິດຕາເວັນອອກ ຕັ້ງແຕ່ເວລາປະມານ 18:30 ໂມງ ເປັນຕົ້ນໄປ ເວລາຄາດເຕັມດວງປະມານ 19:50-21:10 ໂມງ ແລະ ສິ້ນສຸດປະກົດການໃນເວລາ 23:10 ໂມງ ຕາມເວລາປະເທດລາວ.

ທັງນີ້ ນັກດາລາສາດກ່າວວ່າ ປະກົດການດັ່ງກ່າວເປັນປະກົດການທາງທາງດາລາສາດທີ່ສາມາດອະທິບາຍໄດ້ຕາມຫຼັກການທາງວິທະຍາສາດ ແລະ ບໍ່ເກີດອັນຕະລາຍຕໍ່ໂລກແຕ່ຢ່າງໃດ.

ຂໍ້ມູນຈາກ : http://champareport.com/

ຝູງນົກຍ່າງຂາວມີບ່ອນດຽວໃນປະເທດລາວ - ມີຄລິບ

Khonbannaมกราคม 30, 2561ຝູງນົກຍ່າງຂາວNo comments

ຝູງນົກຍ່າງຂາວມີບ່ອນດຽວໃນປະເທດລາວ

ເວົ້າເລື່ອງນົກແມ່ນມີຫລາຍປະເພດ ຫລາຍຊະນິດ ບາງຊະນິດເຮົາອາດເຄີຍພົບເຫັນເລື່ອຍໆ ແຕ່ບາງຊະນິດນັ້ນ ບາງທີ່ເຮົາອາດບໍ່ເຄີຍເຫັນເລີຍກໍເປັນໄປໄດ້
ແລະ ພາບທີ່ທ່ານຈະເຫັນຕໍ່ໄປນີ້ແມ່ນພາບບັນຍາກາດຝູງນົກຍ່າງຂາວທີ່ກຳລັງກັບສູ່ບ່ອນນອນໃນຍາມແລງ

ສະຖານທີ່ນີ້ຖືໄດ້ວ່າເປັນບ່ອນ ຫລື ຈຸດລວມຕົວນອນ ຂອງຝູງນົກຍ່າງໃນທົ່ວທຸກບ່ອນຂອງ ແຂວງສະຫວັນນະເຂດເຊິ່ງໃນແຕ່ລະແລງຝູງນົກຍ່າງກຊຈະບິນທະຍ່ອຍເຂົ້າມານອນໃນໂບດກາງບຶງ ຂອງ

ບ້ານບຶງຊ້າງ
ເມືອງ ຊົນນະບູລີ
ແຂວງ ສະຫວັນນະເຂດ

ດອກໄມ້ປະຈຳຊາດ 10 ປະເທດ ອາຊຽນ

Khonbannaมกราคม 30, 2561ດອກໄມ້ປະຈຳຊາດ 10 ປະເທດ ອາຊຽນNo comments

ຫລາຍທ່ານອາດຈະຍັງບໍ່ຮູ້ວ່າ ດອກໄມ່້ປະຈຳຊາດຂອງ 10 ປະເທດອາຊຽນນັ້ນມີຫຍັງແດ່ ມື້ນີ້ຂ້ອຍມັກເຈົ້າແຊຣ໌ຈະນຳເອົາຂໍ້ມູນເພື່ອໃຫ້ທ່ານຮູ້ແລະໄດ້ສຶກສາໄປພ້ອມກັນ

1. ປະເທດ ບຣູໄນດາຣຸສຊາລາມ (Negara Brunei Darussalam) : ດອກຊິມປໍຣ

2. ປະເທດ ກຳປູເຈຍ (Kingdom of Cambodia) : ດອກລຳດວນ

3. ປະເທດ ອິນໂດເນເຊຍ (Republic of Indonesia) : ດອກ້ວຍໄມ້

4. ສາທາລະນະລັດ ປະຊາທິປະໄຕ ປະຊາຊົນລາວ (Lao People’s Democratic Republic) : ດອກຈຳປາ

5. ປະເທດ ມາເລເຊຍ (Malaysia) : ດອກພູ່ລະຫົງ

6. ປະເທດ ຟີລິບປິນ (Republic of the Philippines) : ດອກພຸດແກ້ວ

7. ປະເທດ ສິງກະໂປ (Republic of Singapore) : ດອກກ້ວຍໄມ້ແວ່ນດ້າ

8. ປະເທດ ໄທ (Kingdom of Thailand) : ດອກຄູນ

9. ປະເທດ ຫວຽດນາມ (The Socialist Republic of Vietnam) : ດອກບົວ

10. ປະເທດ ມຽນມາ (Union of Myanmar) : ດອກປະດູ່

ໝາຍເຫດ: ຖ້າຊື່ດອກໄມ້ບາງຊະນິດບໍ່ຖືກກັບຊື່ທີ່ຄົນລາວເອີ້ນຕ້ອງຂໍອະໄພນຳຫຼາຍໆ

ຂອບໃຈຂໍ້ມູນຈາກ : https://laopost.com/2016/08/07/67531

ຊົນເຜົ່າຢູ່ໃນປະເທດລາວ

Khonbannaมกราคม 29, 2561ຊົນເຜົ່າຢູ່ໃນປະເທດລາວNo comments

ຊົນເຜົ່າຢູ່ໃນປະເທດລາວມີ 49 ຊົນເຜົ່າແລະ 4 ໝວດພາສາ

I. ໝວດພາສາລາວ-ໄຕ (ມີ 8 ຊົນເຜົ່າ)
1.ຊົນເຜົ່າ ລາວ
2.ຊົນເຜົ່າ ໄຕ
3.ຊົນເຜົ່າ ຜູ້ໄທ
4.ຊົນເຜົ່າ ລື້
5.ຊົນເຜົ່າ ຍວນ
6.ຊົນເຜົ່າ ຢັ້ງ
7.ຊົນເຜົ່າ ແຊກ
8.ຊົນເຜົ່າ ໄທເໜືອ

II. ໝວດພາສາມອນ-ຂະແມ (ມີ 32 ຊົນເຜົ່າ)
9.ຊົນເຜົ່າ ກຶມມຸ
10.ຊົນເຜົ່າ ໄປຣ
11.ຊົນເຜົ່າ ຊິງມູນ
12.ຊົນເຜົ່າ ຜ້ອງ
13.ຊົນເຜົ່າ ແທ່ນ
14.ຊົນເຜົ່າ ເອີດູ
15.ຊົນເຜົ່າ ບິດ
16.ຊົນເຜົ່າ ລະເມດ
17.ຊົນເຜົ່າ ສາມຕ່າວ
18.ຊົນເຜົ່າ ກະຕາງ
19.ຊົນເຜົ່າ ມະກອງ
20.ຊົນເຜົ່າ ຕຣີ
21.ຊົນເຜົ່າ ຢຣຸ
22.ຊົນເຜົ່າ ຕຣຽງ
23.ຊົນເຜົ່າ ຕະໂອ້ຍ
24.ຊົນເຜົ່າ ແຢະ
25.ຊົນເຜົ່າ ເບົຣາ
26.ຊົນເຜົ່າ ກະຕູ
27.ຊົນເຜົ່າ ຮາຣັກ
28.ຊົນເຜົ່າ ໂອຍ
29.ຊົນເຜົ່າ ກຣຽງ
30.ຊົນເຜົ່າ ເຈັງ
31.ຊົນເຜົ່າ ສະດາງ
32.ຊົນເຜົ່າ ຊ່ວຍ
33.ຊົນເຜົ່າ ຍະເຫີນ
34.ຊົນເຜົ່າ ວະລີ
35.ຊົນເຜົ່າ ປະໂກະ
36.ຊົນເຜົ່າ ຂະແມ
37.ຊົນເຜົ່າ ຕຸ້ມ
38.ຊົນເຜົ່າ ງວນ
39.ຊົນເຜົ່າ ມ້ອຍ
40.ຊົນເຜົ່າ ກຣີ

III. ໝວດພາສາ ມົ້ງ-ອິວມຽນ (ມີ 2 ຊົນເຜົ່າ)
41.ຊົນເຜົ່າ ມົ້ງ
42.ຊົນເຜົ່າ ອິວມຽນ

IV. ໝວດພາສາ ຈີນບຕີເບດ (ມີ 7 ຊົນເຜົ່າ)
43.ຊົນເຜົ່າ ອາຄາ
44.ຊົນເຜົ່າ ພູນ້ອຍ
45.ຊົນເຜົ່າ ລາຫູ
46.ຊົນເຜົ່າ ສີລາ
47.ຊົນເຜົ່າ ຮາຢີ
48.ຊົນເຜົ່າ ໂລໂລ
49.ຊົນເຜົ່າ ຫໍ້

ຖ້າຜິດພາດປະການໃດຕ້ອງຂໍອະໄພນະທີ່ນີ້ດ້ວຍ

ຂໍ້ມູນຈາກ http://itlaosder.blogspot.com/2017/07/49-4.html

ຄັ້ງທຳອິດຂອງປະເທດລາວ

Khonbannaมกราคม 29, 2561FIFA WORLD CUPNo comments

ຄັ້ງທຳອິດຂອງປະເທດລາວ ໃນການສຳພັດ ພ້ອມຖ່າຍຮູບ ກັບ ຂັນບານໂລກ FIFA WORLD CUP ໂຕເປັນໆ

ງານນີ້ບອກເລີຍວ່າ ຫລາຍຄົນຕື່ນເຕັ້ນໂດຍສະເພາະນັກເຕະບານ ແລະ ແຟນໆນັກນັກເຕະທັງຫລາຍທີ່ຈະໄດ້ໃກ້ຊິດກັບ FIFA WORLD CUP ໂຕຈິງ

ງານເກັບພາບທີ່ລະລຶກລ້ວນໆ

ສິນ 227 ຂອງພຣະສົງ

Khonbannaมกราคม 25, 2561ສິນ10, ສິນ227, ສິນ5No comments

ສິນ 227 ຂອງພຣະສົງມີຫຍັງແດ່ໄປອ່ານພ້ອມກັນ

#ສີນ ແມ່ນ ເຈຕະນາ ທີ່ ຈະງົດເວັ້ນ ຈາກ ຄວາມຊົ່ວ ຫລື ທຸຈະລິດ : ທາງ ກາຍ, ທາງ ວາຈາ, ແລະ ທາງ ໃຈ. ທ່ານ ພຸດທະໂຄສະຈາຣ ໄດ້ນຳເອົາ ຄຳ ຂອງ ພຣະສາຣີບຸຕ ໃນ ປະຕິສັມພິທາມັຄຄ໌ ອະທິບາຍ ຄື ເຈຕະນາ, ເຈຕະສິກ, ຄວາມຣະວັງ ແລະ ການບໍ່ລວ່ງລະເມີດຂໍ້ຫ້າມ. ແລ້ວອະທິບາຍວ່າ ການງົດເວັ້ນ ຈາກ ກາຣທຸຈຣິຕ ໓ ຊື່ວ່າ ເຈຕະສິກສີລ ຄວາມລະວັງ ຫລື ສັງວອນ ນັ້ນ ທ່ານ ແບ່ງອອກເປັນ ໕ ຄື: ປາຕິໂມກຂະສັງວະຣະສີລສຳຣວມຣະວັງໃນສິກຂາບົດຕາມພູມຊັ້ນຂອງຕົນເຊັ່ນ ສີລ ໕ ເປັນສີລປາຕິໂມກຂ໌ຂອງອຸບາສົກອຸບາສິກາ ເປັນຕົ້ນ 1 ສະຕິສັງວອນຣະວັງກີດກັນບາບດ້ວຍສະຕິ 2 ຍານະສັງວອນຣະວັງກີດກັນບາບດ້ວຍຍານ ຄື ຄວາມຮູ້ເທົ່າທັນ. 3 ຂັນຕິສັງວອນຣະວັງກີດກັນບາບດ້ວຍຄວາມເມຕຕາ 4 ວິຣິຍະສັງວອນຣະວັງກີດກັນບາບດ້ວຍຄວາມພຽນພະຍາຍາມ ສີລ ມີຫລາຍປະເພດ ຄື ສີລ ໕ ສຳຫລັບຄະຣາວາດ, ສີລ ໘ ໝາຍເຖິງອຸໂປສົດສີລ ພໍ່ອອກ ແມ່ອອກກໍ່ປະຕິບັດໄດ້ ສວ່ນໃຫຍ່ຈະນິຍົມກັນຮັກສາໃນມື້ວັນສີລໃຫຍ່ ຫລືບາງຄົນກໍ່ຮັກສາຕລອດ ເວລາຍາວນານ ໂດຍສະເພາະແມ່ນຢູ່ໃນສຳນັກວິປັສສນາ ແລະ ກໍ່ຍັງເປັນສີລທີ່ແມ່ຂາວ ຖືປະຕິບັດນຳອີກ. ຂໍ ອາຣາທະນາ ສິນຫ້າ ອຸກາສະ ມະຍັງ ພັນເຕ ວິສຸງ ວິສຸງ ລັກຂະນັດຖາຍະ ຕິສາຣະເນ ນະສະຫະ ປັນຈະ ສິລານິ ຍາຈາມະ ທຸຕິຍັມປິ ມະຍັງ ພັນເຕ ວິສຸງ ວິສຸງ ລັກຂະນັດຖາຍະ ຕິສາຣະເນ ນະສະຫະ ປັນຈະ ສິລານິ ຍາຈາມະ ຕາຕິຍັມປິ ມະຍັງ ພັນເຕ ວິສຸງ ວິສຸງ ລັກຂະນັດຖາຍະ ຕິສາຣະເນ ນະສະຫະ ປັນຈະ ສິລານິ ຍາຈາມະ ຂໍສະມາທານ ເອົາ ສິນຫ້າ ປານາຕິປາຕາ ເວຣະມະນີ ສິກຂາປະທັງ ສະມາທິຍາ ມິ ຜູ້ຂ້າ ຂໍສະມາທານ ສິກຂາບົດ ເວັ້ນຈາກ ການຂ້າສັຕ ການທຳຮ້າຍສັຕ. ອະທິນນາທານາ ເວຣະມະນີ ສິກຂາປະທັງ ສະມາທິຍາ ມິ ຜູ້ຂ້າ ຂໍສະມາທານ ສິກຂາບົດ ເວັ້ນຈາກ ການຂີ້ລັກ ການສໍ້ໂກງ. ກາເມສຸມິຈສາຈາຣາ ເວຣະມະນີ ສິກຂາປະທັງ ສະມາທິຍາ ມິ ຜູ້ຂ້າ ຂໍສະມາທານ ສິກຂາບົດ ເວັ້ນຈາກ ການປະພຶດຜິດ ໃນ ກາມ. ມຸສາວາທາ ເວຣະມະນີ ສິກຂາປະທັງ ສະມາທິຍາ ມິ ຜູ້ຂ້າ ຂໍສະມາທານ ສິກຂາບົດ ເວັ້ນຈາກ ການເວົ້າຕົ້ວະ ການຍຸຍົງ ສຸຣາເມຣະຍະ ມັຊຊະປະມາທັຖຖານາ ເວຣະມະນີ ສິກຂາປະທັງ ສະມາທິຍາ ມິ ຜູ້ຂ້າ ຂໍສະມາທານ ສິກຂາບົດ ເວັ້ນຈາກ ການກິນ ດື່ມ ສູບ ດົມ ສີ່ງເສບຕິດ ສີ່ງມຶນເມົາ ທັງປວງ. ອິມານິ ປັນຈະ ສິກຂາ ປະທານິ ສິລ ຫ້າ ທີ່ປະທານ ໃຫ້ ນີ້ ສິເລນະ ສຸຄະຕິງຍັນຕິ ສິລ ພາໄປສູ່ ຄວາມສຸກ ສິເລນະ ໂພຄະສັມປະທາ ສິລ ໃຫ້ມີຊັບ ສິເລນະ ນິພພຸຕິງຍັນຕິ ສິລ ພາໄປນິພພານ . ຕັສມາ ສີລັງ ວິໂສທາເຍ. ສີລ ໑໐ ເປັນສີລຂອງສາມະເນນ, ສີລ ໒໒໗ ເປັນສີລຂອງພຣະສົງ ແລະ ສີລ ໓໑໑ ຂອງພິກຂຸນີເຊິ່ງໃນພຣະພຸດທະສາສນາຝ່າຍເຖຣະວາດ ພິກຂຸນີໄດ້ໝົດໄປແລ້ວຫລັງຈາກທີ່ພຣະພຸດທະ ສາສນາລ່ວງມາໄດ້໕໐໐ ປີ ແຕ່ຕອນນີ້ກໍ່ໄດ້ມີການຟື້ນຟູຂື້ນຢູ່ປະເທດສີລັງກາ ແລະ ໃນໄທກໍ່ມີພິກຂຸນີ ອົງໜຶ່ງຄື ພິກຂຸນີ ທັມມະນັນທະ ຜູ້ທີ່ໄດ້ໄປອຸປະສົມບົດຢູ່ປະເທດສີລັງກາ.

ໃນຈຳນວນສີລ ໒໒໗ ຂໍ້ ໄດ້ມີການແບ່ງອອກເປັນໝວດຄື:
ປາຣາຊຶກ ໔
ສັງຄາທິເສສ ໑໓
ອະນິຍົດ ໒
ນິດສັກຄີປາຈິຕຕີ ໓໐
ປາຈິດຕີ ໙໒
ປະຕິເທສະນີຍະ ໔
ເສຂີຍະວັດ ໗໕
ອະທິກະຣະນະສະມະຖະ ໗
ປາຣະຊຶກ ໔
1.ພິກຂຸເສບເມຖຸນຕ້ອງອາບັດປາຣະຊິກ (ພິກຂຸເສບສັງວາດກັບທັງຄົນ ແລະ ສັດ)
2.ພິກຂຸລັກຊັບ(ມີມູນຄ່າ ໕ ມາສົກຂື້ນໄປ- ໕ ມາສົກເທົ່າກັບ ໕ ບາດ -ປະມານ ໒໐໐໐ ກີບ)
3.ພິກຂຸຂ້າຄົນໃຫ້ຕາຍ
4. ພິກຂຸອວດອຸດຕະຣິມະນຸດສະທັມ (ທັມທີ່ບໍ່ມີໃນຕົນ ເຊັ່ນອວດວ່າຕົນເອງເປັນຜູ້ວິເສສ ເປັນຜູ້ໄດ້ບັນລຸ ຊານ ເປັນຜູ້ຫລຸດພົ້ນແລ້ວ ເຖິງແມ່ນວ່າໄດ້ແທ້ກໍ່ບໍ່ໃຫ້ອວດ ຖ້າໂອ້ອວດຕ້ອງອາບັດປາຣະຊຶກ)
ໂທດຂອງປາຣາຊຶກ
ພິກຂຸໃດທີ່ລວ່ງລະເມິດສິກຂາບົດປາຣະຊຶກນີ້ ເມື່ອຕ້ອງຂໍ້ໃດຂໍ້ໜຶ່ງ ເຂົ້າແລ້ວກໍ່ຈະຂາດຈາກຄວາມເປັນ ພຣະສົງ ໂດຍອັດຕະໂນມັດ ເຖິງແມ່ນວ່າຈະບໍ່ມີໃຜເຫັນນຳກໍ່ຕາມ ທ່ານປຽບເໝືອນ ການເດັດໃບໄມ້ ແລ້ວເອົາໄປຕໍ່ຄືນບໍ່ໄດ້ ຫລືປຽບເໝືອນກົກຕານປາຍກຸດ ເມື່ອຖືກຕັດແລ້ວ ກໍ່ຈະບໍ່ມີໂອກາດປົ່ງຍອດ ໃຫ້ງອກງາມໄດ້. ແລະ ການຜິດສີນຂອງພຣະສົງນີ້ ບໍ່ຄືຜິດກົດໝາຍບ້ານເມືອງ ທີ່ວ່າຈະຕ້ອງມີຕຳ ຫລວດມາຈັບ ມີຄົນມາຟ້ອງ ຂື້ນສານ ແຕ່ບໍ່ກ່ຽວກັບວ່າຕ້ອງຫລິ້ນເສັ້ນເຫລັ້ນສາຍ ເອົາຜູ້ກະທຳຜິດເອົາໄວ້ ເຖິງແມ່ນວ່າຈະມີຄົນເອົາຜູ້ລວ່ງລະເມີດເອົາໄວ້ກໍ່ບໍ່ມີຜົນສັກສິດຢູ່ໄດ້ ເພາະວ່າຜູ້ຜິດບໍ່ສາມາດ ຕໍ່ລອງຕໍ່ກົດ ແຫ່ງກັມ ແລະ ຜູ້ທີ່ເອົາໄວ້ກໍ່ຜິດໄປຕາມໆກັນອີກ ເພາະວ່າມັນເປັນກົດເກດສາກົນ ທີ່ເປັນການໄດ້ຮັບໂທດ ໂດຍທຳມະຊາດ ອາດຈະເວົ້າໄດ້ວ່າ ເປັນກົດແຫ່ງກັມ ທີ່ບໍ່ອາດສາມາດ ຫລີກລຽງໄດ້. ມີການພິສູດ ຢູ່ບ່ອນ ວ່າ ຜູ້ລວ່ງລະເມີດຕ້ອງ ຂາດຈາກຄວາມເປັນພຣະສົງ ແລະ ທັງຮຸນຮ້າຍກວ່າ ພໍ່ອອກແມ່ອອກ ທຳມະດາຜູ້ບໍ່ເຄີຍບວດອີກ ຄືເມື່ອໄປປະຕິບັດທັມ ເຖິງແມ່ນວ່າຈະປະຕິບັດເຄັ່ງຄັດພຽງໃດ ປະຕິບັດ ຫລາຍມື້ ຫລືແມ່ນແຕ່ຕລອດຊາດນີ້ ກໍ່ບໍ່ມີໂອກາດໄດ້ບັນລຸທັມວິເສດໄດ້ ແລະ ເມື່ອສິກຂາອອກໄປແລ້ວ ກັບມາບວດເປັນຄູບາອີກກໍ່ບໍ່ໄດ້ ເຖິງແມ່ນວ່າ ຄົນອື່ນຈະບໍ່ຮູ້ວ່າຕົນເອງເຄີຍຜິດສີລຂໍ້ປາຣະຊຶກ ນີ້ກໍ່ຕາມ ການບວດຄັ້ງໃໝ່ ກໍ່ບໍ່ຕ່າງຫຍັງ ກັບເອົາຜ້າເຫລືອງໄປຫົ່ມຕໍລ້າໆ.

ລູກຜູ້ຊາຍເຂົາບໍ່ເຮັດນີ້ ຕີຮອດຜູ້ຍິງ

Khonbannaมกราคม 24, 2561ຜູ້ຊາຍຕີຜູ້ຍິງNo comments

ລູກຜູ້ຊາຍເຂົາເຮັດແບບນີ້ກະໄດ້ບໍ ຕີຮອດຜູ້ຍິງ

ຈາກກະແສຂ່າວທີ່ຮືຮາກັນວ່າໃນວັນທີ 23/1/2018 ໄດ້ມີຄົນຕີກັນແລ້ວໂດດລົງລົດຢູ່ແຖວຮ້ານອາຫານແຫ່ງຫນຶ່ງ ຕາມການບອກເລົ່າພົບວ່າ ທັງສອງໄດ້ມີປາກສຽງກັນ ຝ່າຍຊາຍໄດ້ໃຊ້ກຳປັ້ນຕີເຂົ້າໃບຫນ້າຜູ້ຍິງ ແລ້ວຍັງບີບຄໍດຶງຂຶ້ນລົດ ບໍ່ດົນຝ່າຍຍິງກໍໂດດລົງລົດມາຂໍຄວາມຊ່ວຍເຫຼືອນຳທາງຮ້ານ ແລ້ວຜູ້ຊາຍກໍຍັງຕີເຈົ້າຂອງຮ້ານນຳອີກກ່ອນຫຼົບໜີໄປ ງານນີ້ກໍມີຊາວເນັດພາກັບສືບຫາວ່າຜູ້ຊາຍທີ່ທຳຮ້າຍຜູ້ຍິງນັ້ນແມ່ນໃຜ ຈຶ່ງຮູ້ວ່າເປັນນັກຮ້ອງດັງສັງກັດຄ້າຍຢ່າງດີ ເຖິງຈະຜິດກັນດ້ວຍສາເຫດໃດກໍຕາມຝ່າຍຊາຍກໍບໍ່ຄວນຕີຜູ້ຍິງແມ່ນບໍ່..? ນີ້ແຫລະເພິ່ນບອກວ່າຮັກຫຼາຍເຈັບຫຼາຍ

ພຣະປະຈຳວັນເກີດ ວັນເສົາ

Khonbannaมกราคม 24, 2561ພຣະປະຈຳວັນເສົາNo comments

ພຣະປະຈຳວັນເສົາ ປາງນາກປົກ

ຄັ້ງທີ່ພຣະສັມມາສັມພຸທທະເຈົ້າປະທັບຢູ່ກ້ອງຕົ້ນຈິກ ບັງເອີນໃນຄາວນັ້ນມີຝົນຕົກຕລອດເຈັດວັນ ພຍານາກມຸຈະລິນໄດ້ເລື້ອຍມາຂົດລ້ອມເພື່ອເປັນທີ່ປະທັບ ແລ້ວແຜ່ພັງພານປົກໄວ້ເບື້ອງເທິງ ເໝືອນກັ້ງຮົ່ມດ້ວຍປະສົງຈະກຳບັງລົມຝົນບໍ່ໃຫ້ຕ້ອງພຣະວໍຣະກາຍຂອງພຣະພຸທທະອົງຄ໌.

ຍິງຊາຍໃດເກີດວັນເສົາ ທ່ານກ່າວວ່າ ເປັນຄົນທີ່ມີຄວາມອົດທົນ ເປັນນັກຕໍ່ສູ້ ມີສະຕິປັນຍາດີ ຈະຕັ້ງຕົວໄດ້ດ້ວຍຕົນເອງ ໃຈຮ້ອນ ມັກຈະມີອາລົມໂມໂຫ ນໍ້າໃຈຫ້າວຫານ ເປັນຄົນມັກຄວາມ ຖືກຕ້ອງ ເປັນຜູ້ນຳທີ່ຮຸ່ງເຮືອງດ້ວຍຜົນງານ ມີຄວາມຈິງໃຈ ປາກກັບໃຈກົງກັນ.

ພຣະຄາຖານີ້ ໃຫ້ສູດບູຊາເປັນປະຈໍາທຸກວັນ ຈະມີຄວາມສຸຂສວັສດີ ຕລອດກາລນານ ດັ່ງນີ້: ຍະໂຕຫັງ ພະຄິນີ ອະຣິຍາຍະ ຊາຕິຍາ ຊາໂຕ ນາພິຊານາມິ ສັນຈິດຈະ ປານັງ ຊີວິຕາ ໂວໂຣເປຕາ ເຕນະ ສັຈເຈນະ ໂສຕຖິ ເຕ ໂສຕຖິ ໂຫຕຸ ຄັພພັສສະ.

ສູດມື້ລະ 10 ເທື່ອຈົບ ຈະມີຄວາມສຸກສວັສດີຍິ່ງໆຂຶ້ນໄປ. ສີທີ່ເປັນມຸງຄຸນຂອງຄົນເກີດວັນເສົາແມ່ນສີດຳເໝີ້ນ ຫລື ສີມ່ວງ ສ່ວນສີທີ່ຮອງ ລົງມາຄື ສີເທົາ, ສີເມກໝອກ,ສີດອກຮັກ,ສີນໍ້າເງິນ ສີຂາວນວນ, ສີມ່ວງ, ສີເຫລືອງ ສີທີ່ຄວນເວັ້ນ ແມ່ນ ສີຂຽວ

(ບົດສູດຫຍໍ້ ວ່າ) ໂສ ມາ ນະ ກະ ລິ ຖາ ໂຖ ໂສ (ວ່າ 10 ເທື່ອ)

ພຣະປະຈຳວັນເກີດ ວັນສຸກ

Khonbannaมกราคม 24, 2561ພຣະປະຈຳວັນສຸກ, ພຣະປະຈຳວັນພະຫັດ, ພຣະປະຈຳວັນອາທິດNo comments

ພຣະປະຈຳວັນສຸກ ປາງຣຳພຶງ

ພາຍຫລັງຈາກທີ່ຕັສຮູ້ໄດ້ບໍ່ນານ ພຣະສັມມາສັມພຸທທະເຈົ້າຊຶ່ງປະທັບຢູ່ກ້ອງຕົ້ນໄຊ ກໍໄດ້ລຳພຶງ ເຖິງທັມ ທີ່ລະອຽດເລິກ ຊຶ່ງຍາກແກ່ການເຂົ້າໃຈ ແລະຮູ້ສຶກໜັກພຣະທັຍໃນການທີ່ຈະນຳທັມນີ້ມາ ໂຜດສັຕວ໌ ແຕ່ພຣະອົງຄ໌ໄດ້ພິຈາຣະນາເຫັນວ່າ ສັພພະສັຕມີພູມຕ່າງກັນ ຈຶ່ງຊົງພຣະດຳຣິທີ່ຈະ ສະແດງທັມຕາມຊັ້ນແຫ່ງປັນຍາຂອງສັພພະສັຕນັ້ນໆ.

ຍິງຊາຍໃດເກີດວັນສຸກ ທ່ານກ່າວວ່າ ເປັນຄົນທີ່ມີນິດສັຍລ່າເລີງ ມັກມ່ວນ ປາກຫວານແຕ່ມັກ ຈົ່ມວ່າຈູ້ຈີ້ ຜູ້ໃຫຍ່ໃຫ້ຄວາມເຊື່ອຖືເພາະຄຳເວົ້າ ຊ່ອຍຄົນແຕ່ບໍ່ຫວັງຫຍັງຕອບແທນ ເປັນຄົນມັກ ເບື່ອງ່າຍ ມັກເອົາແຕ່ໃຈໂຕເອງເປັນໃຫຍ່ ມັກຈະມີບໍລິວານຄອຍບຽດບຽນ.

ພຣະຄາຖານີ້ ໃຫ້ສູດບູຊາເປັນປະຈໍາທຸກວັນ ຈະມີຄວາມສຸຂສວັສດີ ຕລອດກາລນານ ດັ່ງນີ້: ອັປປະສັນເນຕິ ນາຖັສສະ ສາສະເນ ສາທຸສັມມະເຕ ອະມະນຸສເສຫິ ຈັນເທຫິ ສະທາ ກິພພະສະກາຣິພິ ປະຣິສານັນຈະ ຕັສສັນນະ ມະຫິງສາຍະ ຈະຄຸດຕິຍາ ຍັນເທເສສິ ມະຫາວີໂຣ ປະຣິຕຕັນຕັມພະນາມະ ເຫ.

ສູດມື້ລະ 21 ເທື່ອຈົບ ຈະມີຄວາມສຸກສວັສດີຍິ່ງໆຂຶ້ນໄປ. ສີທີ່ເປັນມຸງຄຸນຂອງຄົນເກີດວັນສຸກແມ່ນສີຟ້າຫລືສີຟ້າແກ່ ສ່ວນສີທີ່ຮອງ ລົງມາຄື ສີຂາວນວນ, ສີມ່ວງ, ສີເຫລືອງ ສີທີ່ຄວນເວັ້ນ ແມ່ນ ສີເທົາ, ສີເມກໝອກ, ສີດອກຮັກ

(ບົດສູດຫຍໍ້ ວ່າ) ວາ ໂທ ໂນ ອະ ມະ ມະ ວາ (ວ່າ 21 ເທື່ອ)

ພຣະປະຈຳວັນເກີດ ວັນພະຫັດ

Khonbannaมกราคม 24, 2561ພຣະປະຈຳວັນພະຫັດNo comments

ພຣະປະຈຳວັນພະຫັດ ປາງສະມາທິ ຫລື ປາງຕັສຮູ້

ປາງຕັສຮູ້ ຄືປາງທີ່ເຈົ້າຊາຍສິດທັດຖະ ຫລື ພຣະໂພທິສັຕຊົງປະທັບຂັດສະມາທິເທິງ ບັນລັງຫຍ້າຄາ ກ້ອງຕົ້ນມະຫາໂພ ໃກ້ຝັ່ງແມ່ນໍ້າເນຣັນຊະຣາ ແລະໄດ້ຕັສຮູ້ເປັນ ພຣະສັມມາສັມພຸທທະເຈົ້າ ໃນ ມື້ເພັງ 15 ຄໍ່າ ເດືອນຫົກ ກ່ອນພຸທສັກກະຣາຊ 45 ປີ ຊຶ່ງກໍຕົງກັບວັນວິສາຂະບູຊານັ້ນເອງ

ຍິງຊາຍໃດເກີດວັນພະຫັດ ທ່ານກ່າວວ່າ ເປັນຄົນທີ່ມີສເນ່ໜ້າຮັກ ເປັນຜູ້ໃຈບຸນ ສູນທານປັນຍາດີ ມັກຄວາມສງົບ ມັກສຶກສາຫາຄວາມຮູ້ ເປັນຄົນເປີດເຜີຍ ເປັນຄົນເຈົ້າລະບຽບ ຍຶດຖືຄວາມຖືກຕ້ອງ ເດັດດ່ຽວ ເປັນຄົນຂີ້ໃຈນ້ອຍ ຖ້າໄດ້ຄຽດຈະເປັນຄົນໃຈແຂງ ມັກມີບັນຫາກັບຄູ່ຄອງ ພຣະຄາຖານີ້ ໃຫ້ສູດບູຊາເປັນປະຈໍາທຸກວັນ ຈະມີຄວາມສຸຂສວັສດີ ຕລອດກາລນານ ດັ່ງນີ້:

ປູ ເຣນຕັມໂພທິສັມພາເຣ ນິບພັຕຕັງ ໂມຣະໂຍນິຍັງ ເຍນະ ສັງວິຫິຕາຣັກຂັງ ມະຫາສັຕຕັງ ວະເນຈະຣາ ຈິຣັສສັງ ວາຍະມັນຕາປິເນ ວະ ສັກຂິງສຸ ຄັນຫິຕຸງ ພຣົມມະມັນຕັນຕິ ອັກຂາຕັງ ປະຣິຕຕັນຕັມພະນາມະ ເຫ.

ສູດມື້ລະ 19 ເທື່ອຈົບ ຈະມີຄວາມສຸກສວັສດີຍິ່ງໆຂຶ້ນໄປ. ສີທີ່ເປັນມຸງຄຸນຂອງຄົນເກີດວັນພະຫັດແມ່ນສີເຫລືອງ ຫລືສີໄພ ສ່ວນສີທີ່ຮອງ ລົງມາຄື ສີນໍ້າເງິນ, ສີແດງ,ສີຂຽວ ສີທີ່ຄວນເວັ້ນ ແມ່ນ ສີດຳ,ສີຟ້າເທົາແລະ ສີຟ້າແກ່
(ບົດສູດຫຍໍ້ ວ່າ) ພະ ສັມ ສັມ ວິ ສະ ເທ ກະ (ວ່າ 19 ເທື່ອ)

ພຣະປະຈຳວັນເກີດ ວັນພຸດ

Khonbannaมกราคม 23, 2561ພຣະປະຈຳວັນເກີດ, ພຣະປະຈຳວັນຈັນ, ພຣະປະຈຳວັນອັງຄານ, ພຣະປະຈຳວັນອາທິດNo comments

ພຣະປະຈຳວັນພຸດ ກາງເວັນ ປາງອູ້ມບາດ

ຫລັງຈາກທີ່ພຣະສັມມາສັມພຸທທະເຈົ້າໄດ້ຊົງສະແດງທັມເຣື່ອງເວສສັນດອນຊາດົກ ໂຜດພຣະພຸທບິດາ ແລະ ໝູ່ພຣະຍາຕິທັ້ງຫລາຍ ຕ່າງມີຄວາມປິຕິຍິນດີ ເປັນທີ່ສຸດ ຈົນລືມການອາຣາທະນາ ໃຫ້ພຣະ ພຸທທະເຈົ້າມາຮັບອາຫານເຊົ້າທີ່ວັງ. ພໍເຊົ້າວັນຕໍ່ມາພຣະສັມມາສັມພຸທເຈົ້າບໍ່ໄດ້ໄປທີ່ວັງເພາະບໍ່ໄດ້ຖືກ ອາຣາທະນາໃຫ້ໄປ ຈຶ່ງໄດ້ສະເດັດອອກຮັບບິນທະບາຕຈາກປະຊາຊົນທົ່ວໄປຂອງເມືອງກະບິລພັດ

ຍິງຊາຍໃດເກີດວັນພຸດ (ກາງເວັນ) ທ່ານກ່າວວ່າ ເປັນຄົນທີ່ມີມະນຸດສັມພັນດີ ເປັນຄົນກ້າໄດ້ກ້າເສັຽ ເປັນຄົນທີ່ຫາເງິນທອງໃຫ້ໂຕເອງເກັ່ງ ຈະບໍ່ຄ່ອຍມີຍາຕພີ່ນ້ອງ ມັກຈະໄດ້ດີຫລາຍຄັ້ງ ແລະ ຕົກທຸກ ຫລາຍຫົນ ສລັບກັນໄປ ໃຫ້ໝັ່ນທຳບຸນ ແລະ ແຜ່ເມດຕາສເມີ ຈະດີແລ

ພຣະຄາຖານີ້ ໃຫ້ສູດບູຊາເປັນປະຈໍາທຸກວັນຈະເສີມຄວາມເປັນສິຣິມຸງຄຸນແກ່ຊີວິດ ຂອງທ່ານ ດັ່ງນີ້:

ສີວິສະຊາຕີນັງ ທິພພະມັນຕາຄະທັງ ວິຍະ ຍັນນາເສຕິ ວິສັງໂຄຣັງ ເສສັນຈາປິ ປະຣິສສະຍັງ ອານັກເຂດຕັມຫິ ສັພພັຕຖະ ສັພພະທາ ສັພພະປານິນັງ ສັບພະໂສປິ ນິວາເຣຕິ ປະຣິຕຕັນຕັມພະນາມະເຫ.

ສີທີ່ເປັນມຸງຄຸນຂອງຄົນເກີດວັນພຸດມື້ເວັນແມ່ນສີຂຽວ ຫລືສີຂຽວໃບໄມ້ ສ່ວນສີທີ່ຮອງໆລົງມາຄື ສີເຫລືອງ,ສີເທົາ,ສີເມກໝອກ,ສີດອກຮັກ,ສີຂາວນວນ. ສີທີ່ຄວນເວັ້ນ ແມ່ນສີມ່ວງ

(ບົດສູດຫຍໍ້ ວ່າ) ປິ ສັມ ລະ ໂລ ປຸ ສັດ ພຸດ ປິ (ວ່າ 17 ເທື່ອ)

ພຣະປະຈຳວັນເກີດ ວັນອັງຄານ

ພຣະປະຈຳວັນອັງຄານ ປາງໄສຍາດ ຫລື ປາງປະຣິນິພພານ

ປາງໄສຍາສຫລືປາງປະຣິນິພພານ ເປັນຕອນທີ່ຮັບສັ່ງໃຫ້ພຣະຈຸນທະເຖຣະ ປູອາສະນາລົງ ຣະຫວ່າງຕົ້ນຮັງສອງຕົ້ນ ແລ້ວປະທັບບັນທົມແບບສີຫະໄສຍາສ ຕັ້ງພະທັຍວ່າຈະບໍ່ລຸກຂຶ້ນອີກ ແຕ່ກໍຍັງໄດ້ໂຜດ ສຸພັທທະປະຣິພາຊົກ ເປັນພຣະອໍຣະຫັນອົງສຸດທ້າຍກ່ອນສະເດັດດັບຂັນ ເຂົ້າສູ່ ປະຣິນິພພານໃນເດືອນຫົກ ເພັງ 15 ຄໍ່າ ຊຶ່ງກໍຕົງກັບວັນວິສາຂະບູຊານັ້ນເອງ (ອີກແບບນຶ່ງ) ສມັຍນຶ່ງທີ່ພຣະພຸທອົງຄ໌ ປະທັບຢູ່ ວັດເຊຕະວັນ ໃນນະຄອນສາວັຕຖີມີ ອະສຸຣິນ ທຣາຫູ ຈອມອະສູນ ຊຶ່ງຄຶດວ່າຕົວເອງມີຮ່າງກາຍທີ່ໃຫຍ່ໂຕກວ່າ ຈຶ່ງບໍ່ຍອມສະແດງ ຄວາມ ອ່ອນນ້ອມ. ເພື່ອປະສົງຈະ ລົດທິດຖິຂອງອະສູນຕົນນັ້ນ ພຣະພຸທອົງຄ໌ຈຶ່ງໄດ້ເນຣະມິດ ກາຍໃຫ້ໃຫຍ່ ໂຕກວ່າ ແລະພາຍຫລັງ ຈຶ່ງລົດທິດຖິແລະຍອມອ່ອນນ້ອມແດ່ພຣະພຸທອົງຄ໌

ຍິງຊາຍໃດ ເກີດວັນອັງຄານ ທ່ານກ່າວວ່າເປັນນັກຕໍ່ສູ້, ມີຈິດໃຈກ້າຫານ ມີປັນຍາໄວ ໝັ້ນໃຈ ໃນຕົວເອງສູງ ສລຽວສລາດ ບໍ່ຍອມຄົນ ເພິ່ງໂຕເອງເປັນຫລັກ ເປັນຄົນຕຣົງ ບໍ່ມີເລ່ຫລ່ຽມ ເປັນຄົນ ເອົາວຽກເອົາງານ ເຈົ້ານາຍເມດຕາ ລຳບາກຕອນຍັງນ້ອຍ ແຕ່ຈະດີສະບາຍເມື່ອ ແກ່ຕົວ.

ພຣະຄາຖານີ້ ໃຫ້ສູດບູຊາເປັນປະຈໍາທຸກວັນຈະທຳໃຫ້ເກີດສິຣິມຸງຄຸນແກ່ທ່ານ ດັ່ງນີ້:

ຍັສສານຸພາວະໂຕ ຍັກຂາ ເນວະ ທັສເສນຕິ ພິງສະນັງ ຍັມຫິ ເຈວານຸຍຸນຊັນໂຕ ຣັຕຕິນທິວະມະຕັນທິໂຕ ສຸຂັງ ສຸປະຕິ ສຸຕໂຕ ຈະ ປາປັງ ກິນຈິ ນະ ປັສສະຕິ ເອວະມາທິຄຸນູເປຕັງ ປະຣິດຕັນຕັມພະນາມະ ເສ.

(ບົດສູດຫຍໍ້ ວ່າ) ຕິ ຫັງ ຈະ ໂຕ ໂລ ຖິ ນັງ ຕິ (ວ່າ 8 ເທື່ອ)

ພຣະປະຈຳວັນເກີດ ວັນຈັນ

Khonbannaมกราคม 23, 2561ພຣະປະຈຳວັນເກີດ, ພຣະປະຈຳວັນຈັນ, ພຣະປະຈຳວັນອາທິດNo comments

ພຣະປະຈຳວັນຈັນ ປາງຫ້າມຍາດ ຫລື ປາງຫ້າມສະມຸທ

ເປັນເຣື່ອງການແຍ່ງນໍ້າຈາກແມ່ນໍ້າໂຣຫິນີ ເຂົ້ານາ ຂອງຝ່າຍກະສັຕໂກລິຍະວົງສ໌(ຝ່າຍມານດາ) ແລະ ກະສັຕສາກກະຍະວົງສ໌(ຝ່າຍບິດາ) ເພາະປີນັ້ນ ຝົນນ້ອຍ ຈົນເກີດການວິວາທແລະເກືອບຈະເກີດ ສົງຄາມກັນ. ພຣະພຸທທະອົງຄ໌ໄດ້ເທສນາໃຫ້ທັງສອງຝ່າຍຟັງ ເຫດການຈຶ່ງສງົບລົງດ້ວຍດີ. (ອີກແບບນຶ່ງ) ຄັ້ງນຶ່ງ ໄດ້ເກີດໂຣຄລະບາດຄັ້ງໃຫຍ່ຂຶ້ນທີ່ເມືອງໄພສາລີ ມີປະຊາຊົນລົ້ມຕາຍ ເປັນ ຈຳນວນມາກ ເຈົ້າຄອງເມືອງ ຄື ກະສັຕລິຈຊະວີ ຈຶ່ງໄດ້ຂາບທູນ ອາຣາທນາພຣະພຸທະອົງຄ໌ ໃຫ້ສະເດັດ ມາໂຜດຊາວເມືອງ ພຣະພຸທະອົງຄ໌ຈຶ່ງຮັບສັ່ງ ພຣະອານົນ ສູຕ ຣັຕນະສູຕ ແລະ ຊິດນໍ້າພຣະພຸທມົນ ຮອບເມືອງ ຈົນຕໍ່ມາພາຍຫລັງ ໂຣຄຮ້າຍກໍຫາຍໄປຈາກເມືອງນັ້ນດ້ວຍອຳນາດແຫ່ງພຸທທານຸພາບ

ຍິງຊາຍໃດເກີດວັນຈັນ ທ່ານກ່າວວ່າ ເປັນຄົນທີ່ມີຮູບຮ່າງມີສເນ່ ຄົນທັງຫຼາຍໃຫ້ຄວາມເມດຕາ ເກື້ອໜູນ ມັກເຮັດບຸນ ມີຄວາມອົດທົນ ວາສນາດີ ມີນິດສັຍໂກດງ່າຍຫາຍໄວ ມີຄວາມປະນີປະນອມ ນຸ່ມນວນ ຢູ່ກັບທີ່ມັກຈະບໍ່ໄດ້ນານ ເປັນຄົນຊ່າງຄິດຊ່າງຝັນ ຫວັ່ນໄຫວງ່າຍແຕ່ກໍເຂັ້ມແຂງ ໃຫ້ໝັ່ນທຳບຸນສຸນທານ ໂຣຄພັຍຕ່າງໆຈະຫາຍແລະເບົາບາງລົງ

ພຣະຄາຖານີ້ ໃຫ້ສູດບູຊາເປັນປະຈໍາທຸກວັນ ຈະມີຄວາມສຸຂສວັສດີ ຕລອດກາລນານ ດັ່ງນີ້:

ຍັນທູນນິມິຕຕັງ ອະວະມັງຄະລັນຈະ ໂຍ ຈາມະນາໂປ ສະກຸນັສສະ ສັທໂທ ປາປັກຄະໂຫ ທຸສສຸປິນັງ ອະກັນຕັງ ພຸດທານຸພາເວນະ ວິນາສະເມນຕຸ ຍັນທູນນິມິຕຕັງ ອະວະມັງຄະລັນຈະ ໂຍ ຈາມະນາໂປ ສະກຸນັສສະ ສັທໂທ ປາປັກຄະໂຫ ທຸສສຸປິນັງ ອະກັນຕັງ ທັມມານຸພາເວນະ ວິນາສະເມນຕຸ ຍັນທູນນິມິຕຕັງ ອະວະມັງຄະລັນຈະ ໂຍ ຈາມະນາໂປ ສະກຸນັສສະ ສັທໂທ ປາປັກຄະໂຫ ທຸສສຸປິນັງ ອະກັນຕັງ ສັງຄານຸພາເວນະ ວິນາສະເມນຕຸ ສູດມື້ລະ 15 ເທື່ອຈົບ ຈະມີຄວາມສຸກ ປາສຈາກ ໂຣຄພະຍາດທັ້ງປວງ. ສີທີ່ເປັນມຸງຄຸນແມ່ນສີຂາວ,ສີເຫລືອງອ່ອນ ສ່ວນສີທີ່ຮອງລົງມາແມ່ນ ສີຂຽວ, ສີດຳ, ສີຟ້າເທົາ, ສີນໍ້າເງິນ ສີທີ່ຄວນເວັ້ນ ແມ່ນສີແດງ

(ບົດສູດຫຍໍ້ ວ່າ) ອິ ຣະ ຊາ ຄະ ຕະ ຣະ ສາ (ວ່າ 15 ເທື່ອ)

ພຣະປະຈຳວັນເກີດ ວັນອາທິດ

Khonbannaมกราคม 23, 2561ພຣະປະຈຳວັນເກີດ, ພຣະປະຈຳວັນອາທິດNo comments

ພຣະປະຈຳວັນອາທິດ ປາງຖວາຍເນຕຣ

ແມ່ນພຣະພຸທຮູບຢູ່ໃນອະຣິຍະບົດຢືນ ສັງວອນແລະເພັ່ງພຣະເນຕໄປຍັງຕົ້ນພຣະສີມະຫາໂພ ແຄມ ແມ່ນໍ້າເນຣັນຊະຣາ ເມືອງມະຄົທ ຫລື ພຸທທະຄະຍາໃນປັຈຈຸບັນ ເພື່ອລຳລຶກເຖິງ ຄຸນປໂຍດ ທີ່ແພ່ ກິ່ງກ້ານ ໃຫ້ຄວາມຮົ່ມເຢັນເປັນການອຳນວຍໃຫ້ ພຣະອົງຄ໌ໄດ້ຕັສຮູ້ເປັນພຣະສັມມາສັມພຸທທະເຈົ້າ

ຍິງຊາຍໃດ ເກີດວັນອາທິດ ທ່ານກ່າວວ່າ ເປັນຄົນທີ່ມີຈິດໃຈມັກງ່າຍ ທ່ານຜູ້ ໃຫຍ່ ເມດຕາເປັນຄົນຊື່ສັດ ເປັນຄົນໃຈແຂງ ຄຽດງ່າຍຫາຍໄວ ເປັນຄົນມັກເກງໃຈຄູ່ຄອງຂອງ ຕົນສເມີ ອາຊີບຄ້າຂາຍບໍ່ສູ້ຈະດີ ປານໃດ ທຳຄຸນກັບຄົນອື່ນບໍ່ຂື້ນ ໃຫ້ໝັ່ນທຳບຸນສ້າງ ກຸສົນຕລອດ ສຸດທ້າຍຈະດີ

ພຣະຄາຖານີ້ ໃຫ້ພາວະນາເປັນປະຈໍາທຸກວັນ ເພື່ອຄວາມເປັນ ສິຣິມຸງຄຸນ ແກ່ຊີວິດ ຂອງທ່ານ ດັ່ງນີ້: ອຸເທຕະຍັນຈັກຂຸມາ ເອກະຣາຊາ ຫະຣິສສະວັນໂນ ປະຖະວິປປະພາໂສ ຕັງ ຕັງ ນະມັສສາມິ ຫະຣິສສະວັນນັງ ປະຖະວິບປະພາສັງ ຕະຍັຊຊະຄຸຕຕາ ວິຫະເຣມຸ ທິວະສັງ ເຍ ພຣາມມະນາ ເວທະຄຸ ສັພພະທັມເມ, ເຕ ເມ ນະໂມ ເຕ ຈະ ມັງ ປາລະຍັນຕຸ ນະມັຕຖຸ ພຸທທານັງ ນະມັດຖຸ ໂພທິຍາ, ນະໂມ ວິມຸຕຕານັງ ນະໂມ ວິມຸຕຕິຍາ ອິມັງ ໂສ ປະຣິຕຕັງ ກັຕຕະວາ ໂມໂຣ ຈະຣະຕິເອສະນາ. ສູດມື້ລະ ຫົກເທື່ອຈົບ ຈະມີຄວາມຮຸ່ງເຮືອງແລະຄວາມສຸກສວັສດີຕລອດກາລ. ສີທີ່ເປັນມຸງຄຸນແມ່ນສີແດງ ສ່ວນສີທີ່ຮອງລົງມາແມ່ນ ສີມ່ວງ,ສີຂຽວ,ສີເທົາ,ສີໝອກ,ສີດອກຮັກ. ສີທີ່ຄວນເວັ້ນ ແມ່ນສີຟ້າ

(ບົດສູດຫຍໍ້ ວ່າ) ອະ ວິດ ສຸ ນຸດ ສາ ນຸດ ຕິ ອະ (ວ່າ 6 ເທື່ອ)

ຊ່ວງຊີວິດທີ່ຕົກຕ່ຳສຸດຂີດທີ່ສຸດເຈົ້າຈະພົບກັບ4ຄົນນີ້

Khonbannaมกราคม 23, 2561ຄົນ, ຊີວິດຄົນ, ມະນຸດNo comments

ຊ່ວງຊີວິດທີ່ຕົກຕ່ຳສຸດຂີດທີ່ສຸດເຈົ້າຈະພົບກັບ4ຄົນນີ້

ຄົນທີ່ຊ່ວຍເຈົ້າໂດຍທີ່ບໍ່ໄດ້ຄິດ
ຄົນທີ່ບໍ່ເຄຍຈະຄິດຊ່ວຍເຈົ້າເລີຍ
ຄົນທີ່ຢູ່ຄ້ຽງຂ້າງເຈົ້າສະເຫມີ
ຄົນທີ່ຈາກເຈົ້າໄປ

วันพุธที่ 31 มกราคม พ.ศ. 2561

วันอังคารที่ 30 มกราคม พ.ศ. 2561

วันจันทร์ที่ 29 มกราคม พ.ศ. 2561

ຊົນເຜົ່າຢູ່ໃນປະເທດລາວມີ 49 ຊົນເຜົ່າແລະ 4 ໝວດພາສາ

วันพฤหัสบดีที่ 25 มกราคม พ.ศ. 2561

ສິນ 227 ຂອງພຣະສົງມີຫຍັງແດ່ໄປອ່ານພ້ອມກັນ

วันพุธที่ 24 มกราคม พ.ศ. 2561

ລູກຜູ້ຊາຍເຂົາເຮັດແບບນີ້ກະໄດ້ບໍ ຕີຮອດຜູ້ຍິງ

ພຣະປະຈຳວັນເສົາ ປາງນາກປົກ

ພຣະປະຈຳວັນສຸກ ປາງຣຳພຶງ

ພຣະປະຈຳວັນພະຫັດ ປາງສະມາທິ ຫລື ປາງຕັສຮູ້

วันอังคารที่ 23 มกราคม พ.ศ. 2561

ພຣະປະຈຳວັນພຸດ ກາງເວັນ ປາງອູ້ມບາດ

ພຣະປະຈຳວັນອັງຄານ ປາງໄສຍາດ ຫລື ປາງປະຣິນິພພານ

ພຣະປະຈຳວັນຈັນ ປາງຫ້າມຍາດ ຫລື ປາງຫ້າມສະມຸທ

ພຣະປະຈຳວັນອາທິດ ປາງຖວາຍເນຕຣ

ຊ່ວງຊີວິດທີ່ຕົກຕ່ຳສຸດຂີດທີ່ສຸດເຈົ້າຈະພົບກັບ4ຄົນນີ້

ຫມວດຫມູ່

Featured Post

Pages

ป้ายกำกับ

ບົດຄວາມລ່າສຸດ

คลังบทความของบล็อก

Text Widget